Kampionati Europian i Mundjes U23 është një ngjarje që jo vetëm që tregon fuqinë dhe pasionin e sportistëve të rinj, por gjithashtu nxjerr në pah nevojën për një mbështetje të vazhdueshme dhe investime të mëtejshme në këtë sport
Në këtë kompionat që po zhvillohet në Tiranë sportistët tanë po tregojnë forcë, disiplinë dhe krenari kombëtare. Por ata po e bëjnë këtë të vetëm, pa mbështetjen e duhur, qoftë financiare, qoftë infrastrukturore, duke mbuluar vetë kostot e trajnimit dhe pjesëmarrjes në garat ndërkombëtare. Kjo nuk është thjesht neglizhencë. Kjo është padrejtësi!
Një komb që nuk mbështet sportistët e tij është një komb që refuzon të investojë në ekselencën, në rininë dhe në krenarinë e tij. Nuk mund të pranojmë që talentet tona të shkojnë dëm për shkak të mungesës së vëmendjes shtetërore. Sporti nuk është luks. Është një shtyllë e zhvillimit të shoqërisë sonë.
Më 11 maj, Koalicioni Euroatlantik angazhohet ta ndryshojë këtë realitet. Nuk do të ketë më sportistë të braktisur, nuk do të ketë më kampionë që luftojnë vetëm. Do të ketë mbështetje të vërtetë, dinjitet dhe një politikë që i trajton heronjtë tanë të heshtur siç e meritojnë!
